norabidea 2012 txostenean lankidetzari buruzko atal bat dago, jakiteko enpresek beste eragile edo enpresa batzuekin batera lan egiten duten berrikuntzak egiteko, norekin eta zertarako jarduten duten berrikuntzan… Horra hor norabidea 2012 txostenaren atal horretan azaltzen diren zenbait alderdi.

norabidea 2012 txostenean berrikuntzaren kulturarekin zerikusia duen guztia aztertu dugu, hau da: giza kapitala, lehiaren zaintza, ezagutzaren kudeaketa eta berrikuntza babesteko metodoak.

norabidea 2012 azterlanak baita ere azaltzen digu nolakoa den 2008tik 2011ra berrikuntza jarduerarik egin ez duten enpresen profila; besteak beste, galdetu zaie zergatik ez duten berritu eta berrikuntza garrantzitsua iruditzen zaien ala ez.

Enpresen %44,5ek ez du berrikuntza jarduerarik egin azken lau urteotan.

norabidea2012 txostenean aztertu dira baita ere enpresetako berrikuntzaren ezaugarriak, hala nola zein esparrutan lan egiten duten, zenbateko ahalegin berritzailea egiten duten, helburuak zein neurritaraino betetzen diren, zeintzuk diren jarduera berritzailearen eraginak, zein iturri erabiltzen dituzten berrikuntza lortzeko, laguntza publikoak eskatzen ote dituzten eta zertarako.