Intel enpresak duela gutxi aurkeztu zuen San Frantziskon etxea, autoa edo lana goitik behera aldatzeko bururatu zaien ideia multzoa. Ez dago Google-enak bezalako betaurreko futuristarik, baina bai apustu sorta polita.

Horietan bitxienak etorkizuneko autoari buruzkoak dira. Berrikuntzan eta garapenean lanean diharduten mila ikertzaile baino gehiago dituen konpainia honen arabera, hamarkada bat baino gehixeago barru autoak Internetera konektatuta egongo dira eta beren ingurunearekin harremanetan jarriko dituzten era guztietako sentsore adimendunak izango dituzte. Adibidez, beste autoekin istripuei buruzko informazioa trukatu eta bestelako ibilbideak proposatu ahal izango dituzte, edo gasolindegirik hurbilenari eta merkeenari buruzko abisuak jaso. Hori guztia denbora errealean eta bidean goazela.
elpais.com