Sinba enpresa 2015ean sortu zen, honako galdera deseroso eta disruptibo honi erantzuteko asmoz: munduak zergatik kutsatzen ote du gero eta gehiago, itxura denez jasangarritasuna, karbono-aztarnaren murrizketa eta ingurumenaren errespetua konpainia globalek eta mundu zabaleko herrialdeek euren kulturan lehentasuntzat jotzen dituzten joerak badira?

Hona hemen datu bat: urtero, munduak sortzen dituen hondakin solidoen kopurua Mexikoko Hiriko kopuruaren bikoitzaren baliokidea da. Guztira, 2.000 milioi tona zabor sortzen dira, eta, haietatik, %14 baino ez dira birziklatzen. Gainerakoa alferrik galdu egiten da, eta urtero gure planetari presio handiagoa eransten dion kutsadura-mota bihurtzen da.

Birziklapen tradizionalerako dinamika horiek darabiltzaten enpresen aldean, Sinbaren negozio-eredua bildutako hondakinak prozesatzeko eta produktu berri bihurtzeko daukan ahalmenean dago oinarrituta, baina, horrez gain, bere enpresa bazkideei kobratzen die haien “zaborra” modu integral eta arduratsuan kudeatzeagatik. Sinbako taldeakadierazitako edukiontziak uzten ditu, hondakinen kontrolerako funtsezko zenbait kontzepturi buruzko prestakuntza ematen du, hondakinak biltzen ditu, behar bezala prozesatzen ditu eta, gero, sortutako material birziklatua saltzen du.

Dena dela, beharbada, hiriko etxalde ziurtatuetakoanimalientzako elikagai orekatuak ekoizteko intsumo eta konpost ere bihurtzen dituen hondakin organikoak prozesatzeko daukan ahalmena da Sinbaren proposamenaren alderdi berritzaileena. Horrela, ekintzailetzak proposatzen duen jasangarritasun-zirkulua onbidez ixten denez, jatetxe edo elikagaien frankizia handiek ere eskura izango dute hondakinak eta ‘hondar’ organikoak eraldatzeko irtenbide eraginkorra.

elpais.com