Adimen artifizialaren ezarpenaren aldeak nabariak dira ekoizpen-sektoreen artean. IKT arloa lider nagusia da, ia-ia bertako enpresen %59k teknologia horiek darabiltzatelako eta proportzio hori batezbesteko nazionala baino askoz handiagoa delako. Arlo horren atzean, zerbitzuak daude, eta, bertan, lau konpainiatatik batek AA darabil. Industria eta eraikuntza, ordea, nahikoa atzean daude, haien tasak %17,5ekoa eta %11,4koa direlako, hurrenez hurren. 2022tik 2024ra, sektore teknologikoaren hazkuntza bizi-bizia izan da, bere erabilera 27 ehuneko baino gehiago igo delako. Hori dela eta, baieztatu egin da digitalizazioaren sustatzailea dela ekoizpen-sare osoan.

Aldeak ere nabariak dira enpresen tamainaren arabera. Konpainia handien erdien baino gehiagoaren esanetan (%58,2), adimen artifiziala darabilte, mikroenpresen %13,4ren aldean. Hori dela eta, ageri-agerikoa da arrakala hori ia-ia 45 ehunekokoa dela. Alde horrek iradokitzen duenez, antolakuntzaren eta inbertsioaren arloko gaitasunak erabakigarriak dira AA ekoizpen-prozesuetan ezartzeko orduan. Edonola ere, enpresa handien artean ere, oraindik enpresen herenek urrats hori eman ez dutenez, argi eta garbi dago oraindik ezarpena orokorra ez dela, nahiz eta indartsu aurrera egiten ari den.

Erabilerei eta oztopoei dagokienez, teknologia hedatuenak testuen meatzaritza, ahotsaren ezagutza eta berezko hizkuntzaren sorrera dira, eta informazioa zein komunikazioa kudeatzea dute helburu. Aplikazio aurreratuenak (robotika edo ibilgailu autonomoak), ordea, ozta-ozta ezartzen hasi dira. Ezartzeko orduan, zailtasun nagusia ez da hainbeste erabilgarritasunik ez duela antzematea, barne-mailan ezjakintasuna egotea eta prestakuntza digitalik ez edukitzea baizik: AA ez darabilten hamar enpresatatik ia-ia zortzik arrazoi hori aipatu dute. Datu horrek, hain zuzen ere, eraldaketa digitala azkartzeko orduan teknologia ezartzea ez ezik horri onura ateratzeko beharrezkoak diren gaitasunak garatzea ere funtsezkoa dela dioen ideia indartzen du.

COTEC.ES