Sailkapen horretan, Espainia 28. eta 30. postuen artean egon da kokatuta azken bost urteotan. Gaur egun, esaterako, 29. postuan dago, bertan guztira 139 ekonomia daudela kontuan hartuta.

Berrikuntza-klusterrei dagokienez, Espainiak bi berrikuntza-kluster ditu munduko 100 lehenengoen artean. Bartzelona 45. postuan dago; eta Madril, 47.an.

Oraindik ere, berrikuntzaren egoera globalean, hiriko zenbait kluster dira nagusi, eta sorkuntza teknologikoan zein patenteen nazioarteko eskabideen (PCT) aurkezpenean dira liderrak.

Besteak beste, honako hauexek dira munduko kluster nabarienak:

• Shenzhen-Hong Kong-Guangzhou (Txina eta Hong Kong)
• Tokio-Yokohama (Japonia)
• San Jose-San Francisco (Estatua Batuak)
• Beijing (Txina)
• Seul (Hego Korea)

Elkarrekin, Shenzhen-Hong Kong-Guangzhouko eta Tokio-Yokohamako klusterrek maila globalean aurkeztutako bost PCT eskabidetatik ia-ia bat aurkezten dute.

Jarduera berritzailearen intentsitatea biztanle-dentsitatearen arabera aztertzen denean, honako hauexek nabarmentzen dira:

• San Jose-San Francisco (AEB)
• Cambridge (Erresuma Batua)
• Boston-Cambridge (AEB)
• Ningde (Txina)
• Oxford (Erresuma Batua)

Kluster horiek agerian uzten dute berrikuntza lurralde txiki samarretan garatu daitekeela eta eragin global esanguratsua sortu daitekeela.

100 berrikuntza-kluster garrantzitsuenen banaketa geografikoari dagokionez, hiru eskualde hauetan kokatzeko joerak bere horretan dirau:

• Ipar Amerika

• Europa
• Asia

Ekonomien arabera, Txina liderra da bigarren urtez jarraian, 24 kluster ditu-eta. Ondoren, honako hauexek daude: Estatu Batuak (22; eta, bertan, San Jose-San Francisco da nagusi), Alemania (7; eta, bertan, Munich da nagusi), India (4; eta, bertan, Bengaluru nabarmentzen da) eta Erresuma Batua (4; eta, bertan, Londres da erreferentzia).

Aurten, 10 kluster lehen aldiz sartu dira lehenengo 100 postuen artean:

• Estatu Batuetan: Miami (67.a), Phoenix (78.a) eta Salt Lake City (92.a)
• Txinan: Ningbo (93.a) eta Ningde (99.a)
• Europan: Dublin (71.a), Oslo (85.a), Hanburgo (91.a) eta Manchester (94.a)
• Mexikon: Mexikoko Hiria (79.a).

Mexikoko hiriburua sartu denez, orain bigarren kluster latinoamerikarra dago sailkapenean, Brasilgo São Paulokoarekin batera (49.a).

Datu horiek argi-argi uzten dute berrikuntza ekonomia tradizionaletan garatzen dela eta, horrez gain, kluster berriak ere hedatu direla munduko beste eskualde batzuetan. Hori dela eta, agerikoa da egoera globala gero eta dinamikoagoa eta dibertsoagoa dela teknologiaren nahiz zientziaren arloan.

WIPO.INT