Onuradunak

• Erauzketa-, transformazio-, produkzio- eta produktu-prozesu industrialari lotutako zerbitzu-industrialak izatearen ezaugarria betetzen duten enpresa handiak eta ETEak, bai eta azpiegitura digitalei lotutako zerbitzuak eta zerbitzu logistikoak eskaintzen dituztenak ere, garraioa izan ezik, baldin eta laguntzaren xede diren inbertsioak EAEko Ezkerralde Zabalduan badaude.
• Beren eskualdean langabezia-tasa EAEko urteko batez bestekoa ( % 7,4) edo handiagoa duten udalerrietan, ETEek egiten dituzten inbertsioak bakarrik lagunduko dira diruz.
• Enpresa handiei, hasierako inbertsioetarako bakarrik emango zaizkie dirulaguntzak (aktibo materialetan eta immaterialetan inbertitzea: establezimendu berri bat sortzea; lehendik dagoen establezimendu baten ahalmena handitzea; establezimendu baten ekoizpena dibertsifikatzea, aurrez establezimenduan ekoizten ez ziren produktuen bidez; eta lehendik dagoen establezimendu baten ekoizpen-prozesu osoan funtsezko eraldaketa bat egitea). Inbertsio horiek izango dira jarduera berriak erakartzeko edo produktu berrien bidez edo prozesu berritzaile berrien bidez lehendik dauden establezimenduak dibertsifikatzeko, 2022-2027 aldirako onartutako eskualde-laguntzen mapa berrian identifikatutako eremuetan.

Laguntza jaso dezakeen inbertsioa

Dirulaguntzen zenbatekoa kalkulatzeko, diruz laguntzeko moduko inbertsiotzat joko da enpresaren aktiboari gehitzen zaizkion aktibo finkoak eskuratzeko egiten den inbertsioa, baldin eta agindu honetan eta hura garatzeko xedapenetan ezarritakoaz gain, baldintza hauek betetzen baditu:

a) Kategoria hauetako batekoa izatea, azaroaren 16ko 1514/2007 Errege Dekretuan jasotako Kontabilitate Plan Orokorrak epigrafe hauetan emandako definizioaren arabera:

– 203 Jabetza industriala eta patenteak.

– 206 Aplikazio informatikoak.

– 210 Lurrak eta ondasun naturalak.

– 211 Eraikuntzak.

– 212 Instalazio teknikoak.

– 213 Makineria.

– 214 Lanabesak.

– 215 Beste instalazio batzuk.

– 217 Informazio-prozesuetarako ekipamenduak.

b) Lehenengo aldiz erabili edo funtzionamenduan jartzea. Honako hauek eginez gero ere jaso ahal izango da dirulaguntza: establezimendu baten aktiboak eskuratu (establezimendu hori konkurtso-prozedura bidezko likidazioagatik itxita badago) edota establezimendu batetik datozen aktiboak eskuratu (hirugarren batek merkatu-baldintzetan eskuratu izan ez balitu establezimenduak ateak itxiko bazituzkeen). Erabilitako eraikin edo bestelako eraikuntzak eskuratzen badira, berriak balira bezala jokatuko da haiekin.

c) Enpresa handien kasuan, gutxienez bost urteko amortizazio-aldia ezarrita izatea, eta enpresaren aktiboan gutxienez bost urte irautea. ETEen kasuan, aldi horiek hiru urtekoak izango dira.