Pentsa liteke 2025ean Adimen Artifiziala oinarrizko teknologia izango dela datu kopuru handiak aztertzeko.Strategy& aholkularitzak IDC eta Gartner agentzien datuetatik abiatuta eginiko aurreikuspenek diote Adimen Artifizialak aztertutako datuen guztizko bolumenak urte arteko % 27ko hazkundea izango duela Europan 2020 eta 2025 bitartean.Are harrigarriagoa izango da algoritmoen erabilerak izango duen hazkundea.Gaur egun, Mendebaldeko Europan sortzen diren datu guztien % 2 bakarrik prozesatzen dira Adimen Artifizialeko algoritmoen bidez.Espero da proportzio hori % 50 gainditzeraino haziko dela 2025aren bukaerarako.

Halere, hazkunde horren atzean hainbat faktore egongo dira.Hona hemen garrantzitsuenak:

• AAren prozesatzeko errendimendua eta biltegiratzea hobetzea eta, aldi berean, tratamendu horren kostuak merkatzea;
• Datu sorkuntza handitzea, batez ere irudi eta bideo motako datuena, izan ere, horrelakoak dira datu guztien % 70 baino gehiago, eta AA bereziki aproposa da horrelakoak aztertzeko;
• Datuetarako sarbidea hobetzea, lainoko plataformak eta datuen kudeaketarako tresnak ugarituko direlako;
• Mota guztietako jarduera eta sektoreetan erabilpen berriak deskubritzeko aurrerapenak, hasi osasun arlotik eta ingurumeneraino, tartean igaroz fabrikazio adimendunetik edo Smartmanufacturing-etik edo mundu espazial eta ozeanikoko deskubrimenduetatik;
• Datuen analisi eta ingeniaritzako gaitasunak eta trebeziak ugaritzea, software tresna berrietan oinarriturik;
• AA eta IoT plataformen heldutasuna, barne hartuko dituztelarik bai coredatuak, bai eta edgedatuak edo datu deszentralizatuak –datu-zentro txikiagoak, lantegietan edo hirien kanpoaldean kokatuak, konektagarritasun guneetatik hurbilago; gero eta aukera bideragarriagoak bihurtuko dira, eta beren erabilera ziztu bizian haziko da, denbora errealeko analisia eskatzen duten aplikazioen erabileragatik, merkeagoak direlako edo pribatutasunarekin lotutako arrazoiengatik.

ideas.pwc.es