Europako eskualdeak honela sailkatzen dira: berrikuntzako liderrak (53 eskualde), berritzaile indartsuak (60 eskualde), berritzaile ertainak (85 eskualde) eta berritzaile apalak (22 eskualde).
2017ko Berrikuntza Adierazleen Europako koadroak eta Eskualdeetako Berrikuntza Adierazleen koadroak ondorio hauek atera dituzte:

• Beste behin ere, Suedia da Europar Batasuneko berrikuntzako liderra, eta atzetik ditu Danimarka, Finlandia, Herbehereak, Erresuma Batua ?berrikuntzako liderra lehen aldiz- eta Alemania.
• Berrikuntzako eremu zehatzetan, hauek dira EBko liderrak: Danimarka: giza baliabideak eta berrikuntzarako ingurune lagungarriak; Luxenburgo: ikerketa sistema erakargarriak eta aktibo intelektualak; Finlandia: finantzaketa eta laguntzak; Alemania: enpresen inbertsioak; Irlanda: berrikuntza ETEetan eta ingurumeneko inpaktua; Belgika: berrikuntzako eta lankidetzako loturak; Erresuma Batua: salmenten efektuak.
• Berritzaile ertain diren herrialdeetan ere badaude eskualde mailako berrikuntza nukleoak, Eskualdeetako Berrikuntza Adierazleen koadroak erakusten duen bezala: Praga Txekian; Bratislava Eslovakian; eta Euskadi Espainian.
• Esparru hauetan hobetu da gehien berrikuntzaren errendimendua: nazioarteko argitalpen bateratuak, banda zabalaren sarpena, unibertsitateko titulatu eta doktore kopurua eta IKTetako prestakuntza.
• Nabarmen egin dute beherantz arrisku kapitalean eginiko inbertsioek eta berrikuntzak egiten dituzten ETEen portzentajeak.
• Aurreikuspenen arabera, datozen bi urteetan berrikuntzaren errendimendua %2 haziko da.
• Eskualderik berritzaileenak herrialde berritzaileenetan egoten dira normalean.

Berrikuntzako liderrek errendimendu onena dute adierazle guztietan, batik bat ikerketa sistemaren errendimendua (argitalpen zientifikoak) eta enpresetako berrikuntza (enpresa berritzaileen ekintzak) neurtzen dituzten adierazleetan. Eskualde mailako berrikuntzako lider gehienak daude Europako Berrikuntza Adierazleen koadroan berrikuntzako lider gisa sailkatutako herrialdeetan, eta lider ertain eta apal gehienak, berriz, berritzaile ertain eta apal gisa sailkatutako herrialdeetan. Hala ere, badaude eskualde mailako ?bikaintasun poltsak?, hau da, berritzaile apaletan kokatutako berrikuntzako liderrak [adibidez, Praha (Praga) Txekiar Errepublikan, Bratislavska kraj (Bratislava) Eslovakian eta Euskadi Espainian]; eta badaude baita ere berrikuntzako lider eta berritzaile indartsu diren herrialdeetako hainbat eskualde atzean gelditu direnak.

Berrikuntzaren errendimendua hobetu egin da eskualde gehienetan, halaxe gertatu da aztertutako 216 eskualdetatik 128tan (eskualdeen ia %60). Eskualdeko berrikuntzako liderren kasuan, portzentaje hori %75etik gorakoa da, berritzaile indartsu eta berritzaile ertainen kasuan, ia %55ekoa, baina berritzaile apal gisa sailkatutakoen kasuan, %30 ingurukoa baino ez.
Errendimenduak behera egin du Errumaniako eskualde guztietan, eta Alemania, Danimarka, Espainia, Finlandia, Hungaria, Portugal eta Txekiar Errepublikako eskualdeen %50 baino gehiagotan.

europa-nu.nl