Erakunde onuradunak

a) Klusterraren zenbait urtetarako Plan Estrategiko (KPE) bat izatea, «Klusterren Plan Estrategikoak Egiteko Gidari» jarraikiz (www.euskadi.eus web-orrian dago argitaratuta).

b) Klusterraren urteko Jarduketa Plan (KJP) bat izatea, Plan Estrategikoa garatuko duena.

c) Behar besteko masa kritikoa. Antolakunde dinamizatzailera atxikitako enpresen kopuruak 30etik gorakoa izan behar du, eta atxikitako enpresen fakturazio osoak Euskal Autonomia Erkidegoko BPGd-ren % 1etik beherakoa.

d) Enpresa txikiek eta ertainek parte hartzea. Enpresa eta erakunde kideen gutxienez % 60 enpresa txikiak eta ertainak izatea. Enpresa txiki eta ertaintzat hartzeko, baldintza hauek bete behar dituzte:

– 250 langile baino gutxiago izatea.

– Urteko negozio-bolumena gehienez 50 milioi euro izatea, edo, bestela, urteko balantze orokorra gehienez 43 milioi euro izatea.

e) Klusterraren antolakunde dinamizatzaileko kideen artean klusterra osatzen duten erakunde mota guztietako ordezkaritza orekatua izatea.

f) Klusterraren erakunde dinamizatzailearen jardueraren lurralde-irismena gutxienez Euskal Autonomia Erkidegoa izatea.

Dirulaguntzak jaso ditzaketen jarduerak

Diruz lagundu daitezkeen jardueratzat hartzen dira klusterren antolakunde dinamizatzaileek lankidetzaren bidez enpresen lehiakortasuna hobetzeko egiten dituztenak, eta inbertsioa eskabidea aurkezten duten egunaren ondoren hasten dutenak.

Jarduketa estrategikoko eremuak:

• Nazioartekotzea.
• Berrikuntza teknologikoa.
• Enpresa-berrikuntza.
• Beharrezkoak diren beste jarduketa batzuk, erronka estrategiko komunei ekiteko, lehiakortasun globala hobetzearren.

Jarduketen tipologiak:

• Elkartutako erakundeei eta klusterreko kideei emandako zerbitzuak.
• Estrategia, teknologia-zaintza eta lehiakortasun-inteligentzia.
• Lankidetzaren dinamizazioa, erronka komunak identifikatuz, sinergiak aztertuz eta lantaldeak hasiz klusterreko kideen artean edo beste kluster batzuekin lankidetzan jardunda proiektuak eratzeko.
• Parte hartzea eta enpresei lankidetza-proiektuetan laguntzea.