Besteak beste, makinen energia-premiak murrizteko atzitzaileak eta hain kutsagarria ez den hormigoia kontuan hartuta, adimen artifizialak (AA) badu industria deskarbonizatzen laguntzerik?

AAk zeregin handia izan dezake industria deskarbonizatzen laguntzeko orduan, eta bere ekarpenetako bat, hain zuzen ere, datuen zati bat berreratzeko eta proiektatzeko daukan gaitasuna da, produktu batekin lotutako isuriei buruzko zenbatespenak eskaini daitezen eta ahalik eta zuzenenak izan daitezen.

Izan ere, nahiz eta enpresek zuzenean zer isurtzen duten erraz-erraz jakin dezaketen, egoera ez da hain agerikoa zeharkako isuriei dagokienez, haien hornitzaileenak ere kontuan hartuta.

Capgemini aholkularitza-enpresak argitaratu berri duen txostenaren arabera, inkestatutako enpresa europarrek erregistratutako isuri guztien %92 zeharkako isuriakizan ziren iaz.

Edonola ere, AA beste helburu batzuetarako ere erabili daiteke; esate baterako, lantegiko bertako fabrikazio-prozesuak hobetzea.

Adibidez, Suez frantsesak bere Aquadvanced programaren bitartez lortu zuen ur-sareen kudeaketa hobetzea, edo Siemens alemaniarrak balio-kate osoko isuriak neurtzeko gailua darabil.Iaz, Meta estatubatuarrak Illinoiseko Unibertsitatearekin lan egin zuen hain kutsagarriak ez diren hormigoiak sortzeko algoritmoaren diseinuan.

Prozesuen eta produktuen deskarbonizaziotik haratago, AAk enpresei ere lagundu ahal die erabakiak hartzen; esate baterako, enpresa batek eraikin bat eraisten duenean material ekologikoagoen bidez berreraiki beharko luke edo kokagunearen zati bat berrerabili eta material birziklatuen bidez berreraiki beharko luke beste zatia?

france24.com