Datorren azaroaren 17an, Bilboko Euskalduna Jauregian izango da Global Innovation Day, euskal berrikuntzaren urteroko hitzordu handiaren XV. edizioa, 16:00etatik 19:00etara.

Topaketak berrikuntzako euskal ekosistemako pertsonak eta erakundeak bilduko ditu, kasu praktikoak eta esperientziak partekatzeko. Horiek erakusten dute Euskadi aurrera egiten ari dela etorkizuneko erronkei aurre egiteko eta nazioarteko testuinguru gero eta zorrotzagoan lehiatzeko gaitasuna indartzeko eremu estrategikoetan.

Jardunaldian zehar, Innobasqueren ibilbide-orri berria ere ezagutaraziko da, 2026-2030 Plan Estrategikoan jasoa, berrikuntzarako hurbilketa berriak txertatzen dituena eta Berrikuntzaren Euskal Agentziaren jarduera datozen urteetara bideratzen duena.

Nobedade gisa, aurtengo edizioan parte hartzaileek paper aktiboagoa izango dute. Programak mahai parte-hartzaileak izango ditu, elkarrizketarako, elkartrukerako eta baterako lanerako gune gisa sortuak, topaketan parte hartzen dutenentzat zein Euskadiren etorkizunerako garrantzitsuak diren gaien inguruan.

innobasque.eus