Konputazio kuantikoak enpresek arazo konplexuei aurre egiteko, prozesuak optimizatzeko eta irtenbide berriak garatzeko duten modua eraldatzen du. Haren ezarpena hasierako fasean dagoen arren, gero eta erakunde gehiagok aztertzen dituzte haren aukerak, eta teknologia horren potentziala aprobetxatzeko prestatzen dira.

Konputazio kuantikoa enpresa-ehunera hurbiltzeko helburuarekin, Euskadiko Parke Teknologikoak eta GAIA klusterrak jardunaldi bat antolatu dute. Bertan, adituek eta enpresek erabilera errealeko kasuak partekatuko dituzte eta teknologia horrek industrian, optimizazioan, adimen artifizialean eta zibersegurtasunean izan ditzakeen aplikazioak erakutsiko dituzte.

Saioan Tecnalia, Ayesa, LKS Next, EHU eta Quantum Mads-eko ordezkariek parte hartuko dute, esperientzia praktikoak eta aplikazio adibideak aurkeztuz. Gainera, topaketan Basque Quantum, Biqain eta red.es enpresek parte hartuko dute, eta B2B bilera-gune bat eskainiko da, ekosistemako enpresen eta erakundeen arteko harremana errazteko.

Konputazio kuantikoaren egungo egoera zuzenean ezagutzeko, zalantzak argitzeko eta teknologia hori enpresaren berrikuntza-estrategian txertatzeko nola prestatu jakiteko aukera.

Noiz eta non egingo den

• Noiz: 2026ko irailaren 24an, 09:00etatik 11:30era.
• Lekua: Euskadiko Teknologia Parkeko Zamudio/Derio Campuseko eraikin nagusia.

parke.eus