AZKEN ZUZENKETA - BAO - 7. zk. 2026, urtarrilak 13. Asteartea

XEDEA

Laguntza horien helburua da Bizkaian enpresa-proiektu berritzaileen sorrera, hazkundea eta sendotzea bultzatzea, ekintzailetza, startupekiko lankidetza eta negozio-aukera berrien garapena sustatuz.

1. ARLOA: ENPRESA-PROIEKTU BERRITZAILEEN GARAPENA

Negozio-lerro berriak sortu edo barne-ekintzailetzako proiektuak bultzatu nahi dituzten ekintzaileei, enpresa berriei eta enpresa finkatuei zuzendua. Diruz laguntzen dira azterlanak, produktuen edo zerbitzuen garapena, aholkularitza espezializatua, jabetza intelektualaren babesa, marketina, azoketan parte hartzea eta proiektua abiaraztearekin lotutako beste gastu batzuk.

2. ARLOA: ENPRESA BERRITZAILE BERRIAK

Jarduera Bizkaian garatzen duten enpresa sortu berrientzako laguntzak. Honako gastu hauetarako laguntza barne hartzen dute: eraketa, merkaturatzea, teknikariak kontratatzea edo negozioa garatzea, lokalak alokatzea, jabetza industriala babestea eta ekitaldi eta azoketara joatea

3. ARLOA: EKINTZAILETZA EKOSISTEMA SUSTATZEA

Startupekin lankidetzan aritu nahi duten enpresentzat, berrikuntza-erronkak konpontzeko edo berrikuntza irekiko programak garatzeko. Ekimen horiek diseinatzeko eta ezartzeko beharrezkoak diren aholkularitza espezializatuko zerbitzuak finantzatzen dira.

4. ARLOA: AZELERAZIOA

Haztea, lehiakortasuna hobetzea eta merkatu berrietan sartzea bilatzen duten enpresentzat pentsatua. Laguntzak enpresen azelerazio- eta eskalatze-proiektuen garapenari lotutako kanpo-aholkularitzako gastuak estaltzen ditu.

5. ARLOA: STARTUPEN AZELERAZIO-PROGRAMAK AKTIBATZEA BIZKAIAN

Bizkaian startup berritzaileentzako programak garatzen dituzten azeleragailu pribatuei laguntzea, prestakuntza-jarduerak, mentorizazioa, networkinga, joan-etorriak, ostatua eta programari lotutako langileak finantzatuz.

ONURADUNAK

Laguntza-ildoaren arabera, deialdi hauek honako hauei zuzenduta daude:

• Ekintzaileak.
• Enpresa berritzaile berriak.
• Dagoeneko finkatuta dauden enpresak.
• Berrikuntza irekiko proiektuak garatzen dituzten enpresa liderrak.
• Azeleratzaile pribatuak.
• Zientzia, Teknologia eta Berrikuntzaren Euskal Sareko eragileak.

GAUZATZEKO EPEA

Diruz lagundutako jarduerak edo proiektuak 2025ko urtarrilaren 1etik 2027ko abenduaren 31ra bitartean hasi eta amaitu beharko dira.