Irailaren 30era arte dago zabalik Beazeko Negozio Ereduen Barne Ekintzailetza eta Berrikuntza Zerbitzuaren 5. edizioan izena emateko epea. Enpresa txiki eta ertainei zuzendutako ekimena da, eta beren taldeen talentua eta gaitasunak aprobetxatuz negozio-aukera berriak identifikatu eta garatu nahi dituzte.

Plantillan gutxienez bost langile dituzten eta industria-sektorean, industriari lotutako zerbitzuetan, garraioan edo handizkako merkataritzan diharduten enpresei zuzenduta dago zerbitzua. Partaidetza % 100ean finantzatuta dago eta bederatzi hilabeteko iraupena du, hiru fasetan egituratuta.

Lehen fasean, izena eman duten enpresa guztiei irekita, hiru tailer presentzial egingo dira, barne-ekintzailetzako gaitasunak indartzeko. Lehen etapa horren ondoren, zazpi enpresa hautatuko dira, banakako diagnostiko batekin jarraitzeko, negozio-aukera bat identifikatu eta zehaztu ahal izateko.

Azkenik, enpresa parte-hartzaileek laguntza espezializatua jasoko dute ibilbide-orri bat definitzeko, ondoren lehenetsitako negozio-eredu berria garatu eta ezartzeko.

Izena emateko epea: irailaren 30era arte

beaz.eus