Xedea

1. ildoa - Ekintzailetza

• pertsona edo talde sustatzaileari edo enpresari ideia heltzeko eta Enpresa Plana egiteko prozesuan laguntzeko laguntza, martxan jarri arte. Laguntza hori itzuli beharrik gabeko dirulaguntzatzat hartuko da.

2. ildoa.– Barne-ekintzailetza

• enpresa sustatzen duen taldeari ideia heltzen eta Enpresa Plana egiten laguntzeko laguntza, harik eta merkataritza-erakunde berri bat abian jarri eta/edo, hala badagokio, eratu arte. Laguntza hori itzuli beharrik gabeko dirulaguntzatzat hartuko da.

Bi kasuetan, EAEn dauden «Bussiness Innovation Center» (BIC) baten tutoretzapean dauden enpresa-proiektu berritzaileei edo oinarri teknologikoko proiektu berriei, industria-arloko proiektuei edo prozesu-produktu horiei lotutako zerbitzuetakoei lagundu behar diete, Euskal Autonomia Erkidegoan heltzeko eta abian jartzeko faseetarako.

Entitate onuradunak

1. ildoa - Ekintzailetza

• Euskal Autonomia Erkidegoan erroldatutako pertsona fisikoak;
• 2024ko urtarrilaren 1etik aurrera eratu diren edo 2024ko urtarrilaren 1az geroztik jarduera ekonomikoetan alta eman duten eta gutxienez jarduera-zentro bat Euskal Autonomia Erkidegoan duten pertsona juridikoak.

Bi kasuetan, enpresa-proiektu berritzailea edo teknologia-oinarrikoa edo industriala produktu-prozesu industrialei lotutako zerbitzuetakoa izan behar du eta Euskal Autonomia Erkidegoan abiarazteko asmoa izan behar da.

2. ildoa.– Barne-ekintzailetza

• Egoitza soziala edo gutxienez jarduera-zentro bat EAEn duten pertsona juridikoak izan daitezke laguntzaren onuradun, baldin eta enpresa-proiektu berritzailea edo teknologia-oinarrikoa edo industriala edo produktu-prozesu industrialei lotutako zerbitzuetakoa badute, enpresa berri bat sortzeko bokazioa badute eta alta emanda badaude Euskadiko Jarduera Ekonomikoen gaineko Zergan dagokien industriako epigrafean.

Diruz lagun daitezkeen jarduketa

1. ildoa - Ekintzailetza

• pertsonari, talde sustatzaileari edo enpresari ideia heltzeko prozesuan eta enpresako plana egiten laguntzea, martxan jarri arte.
• laguntza hori itzuli beharrik gabeko dirulaguntza izango da.

2. ildoa.– Barne-ekintzailetza

• enpresaren talde sustatzailea ideia heltzeko prozesuan eta enpresako plana egiten laguntzea, hala badagokio merkataritza-entitate berri bat martxan jarri eta eratu arte, baldin eta bideragarria dela frogatzen bada.
• laguntza hori itzuli beharrik gabeko dirulaguntza izango da