Global Lehian programako laguntzak ez itzultzeko diru-laguntzak izango dira, eta laguntza horiek arautzeko kontuan hartu da enpresek nazioartekotze-prozesuan duten heldutasun-maila; horren arabera, lau etapa bereizi dira:

• Hastea.
• Sendotzea.
• Kanpo-ezarpenak.
• Talentua sustatzea eta baliatzea, eta antolaketa merkatu globalaren eskakizunei egokitzea.

Sendotzeko etapa. Etapa horretan, esportazio-partzuergoak edo -taldeak nazioartekotze-plan bat jartzen du abian, esportazio-jardueran hasi berria izatetik erregularki esportatzen duen esportatzaile izatera igarotzeko. Horretarako, esportazioen bezero-zorroa sendotzen eta handitzen du, eta helmuga-merkatuak dibertsifikatzen ditu. Nazioartekotze-jarduera, eskuarki, jatorrizko enpresatik edo erakundetik bideratzen da, ez baitu izaten ordezkaritzarik edo ezarpenik atzerrian

Ezarpenetarako etapa. Hiru ezarpen mota bereizten dira:

• Merkataritza-ezarpenak atzerrian. Enpresak atzerrian dituen establezimendu filialak edo sukurtsalak dira ?fisikoak edo birtualak?, nazioarteko merkatu bati edo batzuei arreta emateko, alderdi komertzialetan.
• Ekoizpen-ezarpenak atzerrian. Atzerrian fabrikazio-proiektu bat gauzatzeko ezartzen diren establezimenduak dira, bai instalazio berriak abian jarriz, bai jada bazeuden enpresetako partaidetzaren bidez.
• Zerbitzu-ezarpenak atzerrian. Kanpo-merkatu batean ezartzen diren zerbitzu-enpresen establezimenduak dira, bai instalazio berriak abian jarriz, bai jada bazeuden enpresetako partaidetzaren bidez.

Talentua sustatzea eta baliatzea, eta antolaketa merkatu globalaren eskakizunei egokitzea. Etapa horretarako laguntzen helburua da Euskadin egoitza duten enpresetan eta erakundeetan nahiz helmuga-herrialdeetako ezarpenetan giza kapitala sustatzea, kanpo-merkataritzan eta enpresa nazioartekotuen kudeaketan adituak diren langileen bidez.

EHAA -57. zk., 2017ko martxoaren 22a, asteazkena

AGINDUA, 2014ko martxoaren 19koa - EHAA - 63. zk., 2014ko apirilaren 1a, asteartea