Erdi- eta goi-mailako teknologiaren sektorera biltzen diren jarduerek oinarri teknologiko handia dute eta oso denbora gutxian berritzen dituzte ezagutzak. 2015ean, EAEn 4.787 enpresa zeuden sektore horretan, zeintzuek 85.124 lagun enplegatzen baitzituzten, euskal ekonomiako enplegatu guztien %8,4, Eustatek emandako datuen arabera. Gainera, sektore horrek balio erantsi guztiaren %9,7 sortu zuen, 5.992,9 milioi guztira, eta 17.707,7 milioi euroko negozio-zifra izan zuen.
Nahiz eta aurreko ekitaldian baino 705 langile gehiago dituen, enpleguaren arloan sektorearen garrantzia bi hamarren murriztu da ekonomia osoarekin konparatuta. Aldiz, balio erantsiari erreparatuz gero, sektorearen garrantzia bi hamarren hazi da, 2015ean ekonomia osoaren batez bestekoaren gainetik hazi baitzen. Enpresa kopurua ere ugaritu egin da (42 gehiago), beraz, enpresa horien batez besteko tamaina 17,8 pertsonakoa izan zen 2015ean, aurreko urtean bezala. Negozio zifrari dagokionez, aurreko urtean baino %4,9 handiagoa izan zen 2015ean.

eustat.eus