Ozeano Urdin bat definitzeko esaten da ozeano gorriaren aurkakoa dela. Bigarren eszenatoki hori hobeto ezagutzen dugu, ohikoagoa da eta: hainbat enpresa lehian dabiltza elkarren artean merkatu-nitxo bera eskuratu nahian, prezio merkeagoa edo balio desberdin bat eskainiz.

Lehiakideen arteko borrokak helburutzat dauka besteen gainetik gailentzea, horregatik, elkarren arteko borrokari kolore gorria ematen zaio.
Aldiz, ozeano urdina desberdina da: nitxo berri bat sortzen da, eta hain da berria, ezen ez baitago lehiarik, edo hain txikia izanik, ez du garrantzirik.

Ozeano gorriarekiko lehen desberdintasuna da helburua ez dela lehiakideak gainditzea, baizik eta lehiakideei garrantzia kentzea, borroka desagerraraztea.
Kostu baxuaren edo gainerakoengandik bereizi beharraren artean aukeratu ordez, aztertzen da nola maximizatu bezeroari eskaintzen zaion balioa eta beharrezkoa ez den guztia kentzen da kostuak minimizatzeko.
Horrela, bi helburuak lortzen dira: bezeroari eskaintza hobea egitea eta gure irabaziak handitzea, produktuaren edo zerbitzuaren kostua gutxituz.

laboratorioti.com