Tokio 2020 Olinpiar Jokoen antolakuntzak ostiral honetan aurkeztu dituen bi robotek laguntza emango diete ekitaldiko ikusle eta parte-hartzaileei, hitzordu olinpiko hori izan dadin orain arteko “berritzaileena” teknologiaren erabilerari dagokionez.

Toyota enpresak garatutako Human Support Robot (gizakiei laguntzeko robota) eta Panasonic konpainiaren “indar osagarriko trajea” dira Robot Tokio 2020 proiektuaren lehen emaitza ikusgarriak. Ekimen hori olinpiar jokoetako antolatzaileek abiarazi dute Japoniako hainbat enpresa eta I+G zentrorekin batera.

“Asmoa da inoizko joko berritzaileenak izan daitezela teknologia berrien erabilerari dagokionez” adierazi zuen Masaaki Komiyak, Tokio 2020 proiektuko zuzendariorde nagusiak. Horrez gain, esan zuen espero duela hitzordu olinpikoa baliagarri izatea “erakusteko robotak gure eguneroko bizitzaren parte izan daitezkeela”.

Proiektuaren helburua da gaur aurkeztutako bi robotak eta beste batzuk “lagungarri izatea Olinpiar Jokoetara doazen guztien esperientzia hobetzeko, edozein dela ere pertsona horren egoera fisikoa edo adina”, eta “hesirik gabeko Olinpiar Jokoak” izan daitezela.

lavanguardia.com