Azken bi hamarkadotan, berritzeko gaitasuna etengabe hazi da munduan, jakintzan gero eta gehiago oinarritzen diren ekonomien eskutik. Edonola ere, hazkuntza hori desberdina da: zenbait herrialdek, Txinak, Hego Koreak edo Indiak, esaterako, erabat ugaldu dute zientziaren eta enpresaren arloko ekoizpena. Ekonomia tradizionaletan (Estatu Batuak, Japonia eta Europa), aurrerakada motelagoa izan da, ordea. Arrakala horren ondorioz, agerikoa da berrikuntzaren geografia sakon-sakon aldatu dela eta, bertan, garapen-bidean dauden ekonomia asiarrek gehiago ekoizten dutela, baina, horrez gain, gero eta sofistikatuagoak diren gaitasun teknologikoak ere garatzen dituztela.

Maila globalean, berrikuntzako ekosistemak dibertsifikatzen ari dira, aldeak nabariak diren arren. Munduaren erdiak baino gehiagok berrikuntza sortzeko arloen aukera zabaldu badu ere, ia-ia erdiak ez dira oraindik modu adierazgarrian dibertsifikatu. Gaitasun horien sofistikazioa (edo konplexutasuna) ere handitu egin da, Asiako ekialdean, batez ere, nahiz eta azken hamarkadan aurrerakada hori geldotu egin den. Horrez gain, hezkuntzak, kalitate instituzionalak, berrikuntzarako politikak edo antzeko faktoreek biztanleek baino zeresan handiagoa dute jakintza-arlo aurreratuak dibertsifikatzeko eta garatzeko gaitasunean.

Elkarren artean oso lotuta dauden gaitasun teknologikoak ekonomien talde txiki batean metatzen ari direnez, zaila da beste herrialde batzuek gaitasunok lortzeko aukera edukitzea. Nahiz eta konplexu samarrak diren zenbait arlo, AAko zenbait esparru, esaterako, modu globalagoan hedatzen ari diren, teknologia aurreratuenak (Gauzen Internet, esaterako) lider gutxi batzuen esku daude oraindik. Hori dela eta, ekonomiek honako hauxe dute aukeran: arlo berrietarantz dibertsifikatzea edo eduki badauzkaten gaitasun konplexuagoetan sakontzea. Beraz, zaila da oreka horri etengabe eustea.

Testuinguru horretan, herrialde gutxi batzuek (Txina, India eta Vietnam, batez ere) baino ez dute estrategia eraginkorra lortu: dibertsifikatzea, baina, aldi berean, konplexutasuna handitzea eta balio handieneko gaitasunak indartzea. Horren aldean, ekonomia aurreratu edo garapen-bidean dauden ekonomia askoren borroka erronka bikoitz hori denez, dibertsifikazioa eta sofistikazioa galtzen dituzte epealdi batzuetan. Ondorioa argia da, beraz: gaur egun ez da nahikoa berrikuntza sortzea. Arrakasta lortzeko, modu estrategikoan kudeatu beharra dago zer gaitasun eskuratu eta zeinetan sakondu, dibertsifikazioa eta espezializazioa kontuan hartuta, gero eta zorrotzagoa den jakintzaren ekonomian lehiatu ahal izateko.

wipo.int