Onuradunak

Aurreikusitako diru-laguntzak enpresaburu eta profesional indibidualek eta sozietate zibiletako eta ondasun-erkidegoetako bazkideek eskatu ahal izango dituzte, beti ere ondoko baldintzak betetzen badituzte:

• EAEn erroldatuta egotea eta izatezko etxebizitza bertan izatea ere.
• Enpresaren egoitza soziala eta fiskala eta enpresa-jarduera Euskadin izatea. Lantokiak egoitza horretan egon behar du ere.
• Negozio-areto baten maizter izatea, beti ere areto hori eskatzailearen etxebizitzaren parte ez bada edo aretoa beste enpresa batekin partekatzen ez bada; bigarren mailako odolkidetasun-harremanik edo afinitate-harremanik ez badago aretoaren alokatzailearekin; eta alokatzaile gisa jarduten den pertsona fisiko edo juridikoaren bazkide edo kide ez bada eskatzailea.
• Arduraldi esklusiboa izatea etenda geratu den jardueran.

• Diru-laguntza edo laguntza publikoak eskuratzea eragozten dion zehapen administratiborik edo penalik ez izatea, eta horretarako ezgaitzen duen legezko debekurik ez izatea.

• Jarduera uzteagatiko ezohiko prestazioaren titularra izatea alarma-egoeraren adierazpenak eragindako pertsonentzat.

Diruz lagundu daitezkeen gastuak

a) Langile Autonomoen Araubide Berezian edo Gizarte Segurantzako Itsasoko Langileen Araubide Berezian norbere konturako langile gisa eginiko kotizazioaren ordainketari dagozkion kuotak.

b) Negozio-lokalen errentamendua, betiere baldintza hauek betetzen badira: ez izatea eskatzailearen etxebizitzaren zati edo beste enpresa batekin partekatutako eremu; ez egotea 2. mailarainoko odol- edo ezkontza-ahaidetasunik lokalaren errentatzailearekin; eta ez izatea errentatzaile diharduen pertsona fisiko edo juridikoaren bazkide edo partaide. Coworking-espazioak deialditik kanpo geratzen dira

Laguntza hauen esleipendun diren autonomoen betebeharrak

• Alarma-egoera amaitu ondoren, berriro lanean hastea eta altan egotea, gutxienez lau hilabetez, berrabiarazte horretatik aurrera.
• Jardueran soilik aritzea, gutxienez lau hilabetez, alarma-egoera amaitzen denetik aurrera.

Diruz lagun daitezkeen kontzeptuak

• Autonomoen kuotak, alarma-egoera amaitu eta hurrengo bi hilabeteei dagozkienak.
• Negozio-lokalen errentamendua, betiere familia-etxebizitza baten parte ez badira eta lokalaren errentatzailearekin odolkidetasuneko edo ezkontza-ahaidetasuneko 2. mailara arteko ahaidetasunik ez badago, eta errentatzaile gisa jarduten duen pertsona fisiko edo juridikoaren bazkide edo partaide ez bada (coworking-guneak izan ezik). Kasu horretan, martxotik (hori barne) alarma-egoera amaitu eta hurrengo bi hilabeteetara bitarteko aldiari dagozkion gastuak izango dira.

Zeharkako zergak ez dira inola ere diruz lagunduko, baldin eta berreskuratu edo konpentsatu badaitezke.

Eskariarekin batera ondoko dokumentazioa aurkeztu beharko da:

• COVID-19ak sortu duen osasun-krisia kudeatzeko ezarri den alarma-egoeraren ondorioz beren jarduera eten behar izan dutenei ematen zaien ezohiko prestazioaren onarpen-ebazpena.
• Negozio-aretoaren alokatze-kontratua.
• Ondasun-Erkidegoaren edo Sozietate Zibilaren eraketaren egiaztagiria.

Epeak

Laguntzak 2020ko apirilaren 16tik irailaren 30era eskatu ahal izango dira.

Eskariak jasotze-hurrenkeraren arabera aztertuko dira eta deialdian jasotako baldintzak betetzen dituzten guztiak hurrenkera berdin horretan onartuko dira ere, funtsak agortzen diren arte.

EHAA - 71. zk., 2020ko apirilaren 15a, asteazkena

ARGIBIDE GEHIAGORAKO: LANBIDE

ENPRESEI ARRETA EMATEKO TELEFONOA: 945 160 601